ஆணவத்தினால் அழியப்போகின்றீர்கள் மடப்பதர்களே ஆணவத்தினால் அழியப்போகின்றீர்கள் .எச்சரிக்கிறேன்.

என்னை அவமதிப்பதன் மூலம் அவமானப்படுத்திவிட்டதாக எண்ணி மகிழும் மூடர்களே.என் அறிவின் மேன்மையால்  எச்சரிக்கிறேன்,நீங்கள் முற்றாக அழியப்போகின்றீர்கள் மடப்பதர்களே,முற்றாக அழியப்போகின்றீர்கள் .

நீங்கள் என்னை மதிக்கவில்லை,என்னை அவமதித்துவிட்டீர்கள் என்ற காழ்புணர்வில் இதை நான் சொல்கிறேன் என தவறாக  எண்ணிவிடவேண்டாம்.

நீங்கள் என்னை அவமதித்ததற்கு நான் ஒருபொழுதும் வருத்தப்படப்போவது இல்லை.

உங்களுக்கு தெரியுமா ? நீங்கள் அறிவற்ற மடப்பதர்கள்.இது உங்களுக்கே தெரியாது .இப்படிப்பட்ட உங்களிடம் நான் மரியாதையையும்,உயர்ந்த தன்மையையும் எப்படி எதிர்ப்பார்ப்பேன்.அதைவிட ஒரு முட்டாள்தனம் இவ்வுலகில் வேறு ஒன்றும் இருக்கமுடியுமா என்ன ?.

அறிவற்ற மடப்பதர்களே, நீங்கள் முற்றாக முழுவதும் அழிந்து போகப்போகின்றீர்கள்.இது உண்மையிலும் உண்மை.

நீங்கள் என்னை காயப்படுத்துவிட்டதாக நினைத்து மகிழும் உங்களின் மகிழ்ச்சி அர்த்தமற்றது.பிணங்கள் மகிழ பூமி செழிப்பதில்லை.எனக்கு நீங்கள்  கொடுத்ததாக நினைக்கும் அவமானத்தின் மூலம் எதையோ சாதித்துவிட்டதாக நீங்கள் நினைத்தால் அது உங்களின் அழிவைத்தவிர வேறு ஒன்றும் இல்லை என்பதனை உங்களிடம் கூறிக்கொள்கிறேன்.

நீங்கள் அழிவதற்கு முன் எனக்கு நீங்கள் செய்த தவற்றை எண்ணி  வருந்தப்போகின்றீர்கள்.

காலம் என்றும் எப்பொழுதும் அறிவின் பக்கம் என்பதனை உங்களுக்கு கடவுள் உணர்த்துவார்.

நான் உங்களை காப்பாற்ற நினைத்தேன்,ஆனால்,நீங்களோ உங்களின் ஆணவத்தினால் என்னை தனிமைப்படுத்தி  அழியப்போகின்றீர்.

என் அறிவிற்கு மேல் தான் இனி உலகம் இயங்கப்போகிறது என்பதனை கூறிக்கொள்வதில் பொருமைப்படுகிறேன்.என் உன்னதம் தெரியாமல் என்னுடன் போட்டிபோடும் மடப்பதர்களே . உங்களின் அறியாமையை எண்ணி எனக்கு நகைப்புதான் வருகிறது.

உங்களின் தயவு என்றும் எனக்கு தேவைப்பட்டதும் இல்லை.உங்களிடம் நான் யாசகம் கேட்டது இல்லை.நீங்கள் தான் என்னை நாடினீர்கள்.பயனும் அனுபவித்தீர்கள்.இன்னும் அதன் சுகத்தில் வாழ்ந்துவருகின்றீர்கள்.

உங்களின் அழிவில் எனக்கு மகிழ்ச்சியில்லை தான் .இருத்தாலும் இது நீங்கள் தேடிக்கொண்டது.இனியும் சந்தர்ப்பம் உண்டு.திருந்துங்கள்.இல்லையேல் உங்களின் அழிவினை யாராலும் தடுக்கமுடியாது.உங்களுக்கு நான் கொடுக்கும் கடைசி வாய்ப்பு இது தான் உணர்ந்துகொள்ளுங்கள்.

த்ராஸிகம் கொண்டும் அசியஷ்டி கொண்டும் உம்மால் என்னை  ஒன்றும் செய்யமுடியாது.


உங்கள் தலைவனுக்கு அறிவும் இல்லை,தகுதியும் இல்லை .அவன் ஒரு பேராசைக்காரன் .அவனால் உங்களை இனி ஒருபொழுதும் காக்க முடியாது ....

ராக்ஞோ ஹி வ்ரதமுத்தாநம் யக்ஞ : கார்யாநுஷாஸயம்  |

தக்ஷிணா வ்ருத்திஸாம்யம் ச தீக்ஷிதாஸ்யாயி ஷேசநம் ||  

அநுத்தாநே த்ருவோநாஷ : ப்ராப்தஸ்யா நாக தஸ்ய ச  |

ப்ராப்யதே பல முத்தாநால்லப தே சார்த்தஸம் பதம்  ||    ...



உங்களின் நன்மைக்காகத்தான் சொல்லுகிறேன்.

உங்களின் தலைவனை புறக்கணித்தால்  நீங்கள் வாழ்வீர்கள்.

.....


நகரவீதியில் சிவஅதிதி ஒருவர், ஆணவத்தினால் அழியப்போகின்றீர்கள் மடப்பதர்களே ஆணவத்தினால் அழியப்போகின்றீர்கள்.தென்னவன் சொல்லிவிட்டான் .தென்னவன் சொல்லிவிட்டான் .ஆணவத்தினால் அழியப்போகின்றீர்கள் மடப்பதர்களே ஆணவத்தினால் அழியப்போகின்றீர்கள் என கூப்பாடு போடுவது கண்டு நகர மக்கள் ஏதுமறியாது பயத்துடன் அவரை பார்த்துக்கொண்டிருந்த நேரம் ... குதிரை ஒன்று மிகமிக வேகமாக ரத்தம் சொட்டும் உடலுடன் நகரை கடந்து சென்றுகொண்டிருந்தது .

.....










(அதிதி - தெய்வச்சிலைகளை எடுத்துக்கொண்டு போய் பிச்சை எடுப்பவர்)



தொடரும் ....

'....மறுபக்கம்' என்னும் எனது வரலாற்று புதினத்தின் இரண்டாம்  அத்தியாயம் .

மற்ற பகுதிகளைப்பார்க்க .

கடவுளின் சாம்ராஜ்யமும் அபாகஸும் .

கடவுளின் வருகை இன்னும் சில தினங்களில் இங்கு நிகழவு...

.....

Download As PDF

Tweet