கடவுளின் வருகை இன்னும் சில தினங்களில் இங்கு நிகழவுள்ளது.

நாங்கள் கடவுளின் தூதர்கள்.

கடவுளின் ஆணையால் இங்கு அனுப்பப்பட்டுள்ளோம்.

உங்களுக்கான நற்செய்தி ஒன்றினை கொண்டுவந்துள்ளோம்.

கேளுங்கள்...கேளுங்கள்...

கடவுளின் வருகை இன்னும் சில தினங்களில் இங்கு நிகழவுள்ளது.
அவரின் வருகை உங்களின் மனங்களிலும்,நிலங்களிலும் செழிப்பை உண்டாக்கும்.
நீங்கள் இனி கடவுளின் பரந்து பட்ட பேரரசின் குழந்தைகள்.
கடவுளின் கருணை உங்களின் மீதும் ,உங்களின் அன்பின் மீதும் தூய்ந்து உயர்வடைவீராக.
உங்களுக்கான நற்செய்தியினை நாங்கள் சொல்லிவிட்டோம்.
இனி நீங்கள் அவரை வரவேற்க ஆயத்தமாவீர்களாக,அதுபோல உங்களைச்சேர்ந்த அனைவரையும் ஆயத்தப்படுத்துவீர்களாக.
உங்களின் அன்பிற்கு கடவுள் உங்களுக்கான அனைத்தையும் தருவார்.

ஆயத்தமாவீர்...ஆயத்தமாவீர்...

அது கேட்டு கூட்டத்திலிருந்து தீர்க்கமான ஒரு குரல்
'வணக்கங்கள் பல,உங்களுக்கும்,உங்களின் கடவுளிற்கும்'-என்றவாறு
'உங்களின் பெயர் என்னவென்று தெரிந்துகொள்ளலாமா 'என கேட்டது.

குதிரை வீரன் 'நாங்கள் கடவுளின் தூதர்கள்'என்றான்.

'மசிட்டோனியன் பெயர் சொல்ல தயங்குவது ஏன்' என்றது குரல்.

அதுகேட்டு யார் அது என்ற கேள்வியுடன் கூட்டத்தில் தேடிப்பார்த்து அறியாது 'யாராய் இருந்தாலும் என் முன் வந்து கேள்விகள் கேட்கவும்'என்று உரக்க்கூறினான் கடவுளின் தூதன்.

'இளைப்பாறி பகிர்ந்துகொள்ளலாம்'என்ற குரலுடன் மலைக்குள் நகர்ந்த்து கூட்டம் பதிலை எதிர்பார்க்காமல்.

மலைக்குள் நகர்ந்த கூட்டத்தைப்பார்த்து  ஒன்றும் புரியாமல் விக்கித்து நின்றான் 'கடவுளின் தூதன்'.

இதுவரை தங்களைப்பார்த்து யாரும் கேள்விகள் கேட்காததாலும் ,தங்களை பார்த்து சரியாக இனம் கண்டுகொண்ட கூட்டத்தை நீண்ட காலத்திற்குப்பின் பார்த்ததாலும்,நீண்ட பயணத்தினால் ஏற்பட்ட உடல் களைப்பும் உடன் தோன்ற, கூட்டம் விடுத்த அழைப்பும் நட்பாக இருந்ததாலும் ,தன்முன் மலைக்குள் நகரும் கூட்டத்தை பின் தொடர்வதென முடிவு செய்து குதிரையைவிட்டு இறங்கினான் 'கடவுளின் தூதன்'அபாகஸ் .



....       


தொடரும் ....






'....மறுபக்கம்' என்னும் எனது வரலாற்று புதினத்தின் முதல் அத்தியாயம் .



.....

.

Download As PDF

Tweet