அப்பத்தாவின் சமாதி
எங்கள் வயல் வெளியில்தான்
இருந்தது !
இப்போது
இந்த அடுக்குமாடிக் குடியிருப்பின்
அடியில்
இருக்கிறது
அந்த வயலின் சமாதி!
@@@@@@@@@@
ரகசியங்களை
சேகரம் செய்கிறது
இரவு.
அதிகாலை
அவைகளை
சூரியனிடம்
சொல்லி விட்டு செல்கிறது.
நான்
அண்ணாந்து பார்க்காமலே
நடக்கப் பழகுகிறேன்
அந்தரங்கங்களின் கனத்துடன்.
@@@@@@@@@@
நண்பர் வழக்கறிஞர் ராஜீ சிவசுப்பிரமணியம் அவர்களின் கடவுள் வசிக்கும் வீட்டின் வரைபடம் கவிதைகள் தொகுப்பில் இருந்து இரண்டு கவிதைகள் பார்வைக்கு.
வெளியீடு :அமுதாலயா,2,சிவஞானம் சாலை,சென்னை-17.விலை : ரூ.40 .
படம்: நன்றி இணையம்.
| Tweet |
|
