அணு மின் நிலையங்கள் ஆபத்தானவையா ? -ஒரு பார்வை.

கூடங்குளம் அணு உலை பற்றியும் ,அதற்கு எதிரான மக்களின் போராட்டம் பற்றியும் அவ்வப்போது பதிவிட்டு பதிவுலகிற்கு உண்மை நிலையை கொண்டுசேர்த்தவரும், தற்பொழுது 8வது நாளாக அறவழி உண்ணாவிரத மக்கள் போராட்டத்தில் தன்னையும் ஈடுபடுத்தி போராடி வருபவருமான சகோ கூடல் பாலா அவர்களுக்கு எனது முதற்கண் வந்தனங்கள் .



அணுவிஞ்ஞானிகள் எந்த நாளில் Nuclear fission யை பரிசோதித்து பார்த்தனரோ அன்றிலிருந்தே அவர்களின் விஞ்ஞானஅறிவு
மனித உயிர்களை ருசி பார்க்க ஆரம்பித்துவிட்டது .

அணு குண்டினால் ஏற்பட்ட அழிவைப்பார்த்த அணு விஞ்ஞானிகள்,
ஆக்க சக்திக்கும் பயன்படுத்தலாம் அணுவை அழிவு சக்திக்கும் பயன்படுத்தலாம் என ஆக்க சக்தியின் முன்னவராக அணு உலைகளையும் அழிவு சக்தியின் முன்னவராக அணுகுண்டையும் குறிப்பிட்டு , தங்களின் கண்டுபிடிப்பு மனித குலத்திற்கு பயன்படவே என்றும் , அதனை அணு ஆயுதம் தயாரிக்க பயன்படுத்தக்கூடாது,ஆக்க சக்திக்கே பயன்படுத்தவேண்டும் என்றும்கூவி...நிம்மதிப் பெருமூச்சு விட்டனர். ஏனெனில் , அணு விஞ்ஞானிகளான தங்களை மனித குல விரோதிகளாக வரலாறு சித்தரித்துவிடுமே என்ற அச்சத்தில் .ஆனால், அணு உலைகளினால் கடந்த காலங்களில் ஏற்பட்ட மனித இழப்புகளைப் பார்த்து  அவர்கள் தங்களின் ஆக்க சக்தி என்ற பொய்யுரை வெட்டவெளிச்சமாகிவிட்டது கண்டு  மௌனமாகி விட்டனர் .


அணு சக்தியை சரியாக முறையாக பாதுகாப்பாக பயன்படுத்தும் அறிவு இன்னும் வளரவே இல்லை என்பதுவே உண்மையிலும் உண்மை.
அதற்கான ஆய்வில் முயற்சியில் ஈடுபடாமல்,கண்டுபிடித்ததை உடனே பயன் படுத்திப் பார்க்கும் ஆசையில் ,ஆபத்தைப்பற்றி சிறிதும் கவலைப்படாமல் ,மனித உயிர்களின் மதிப்புதெரியாது, உணராது. அமெரிக்காவின் த்ரீ மைல் ஐலண்ட் , ரஷ்யாவின் செர்னோபில் மற்றும்  ஜப்பான்...இவ்வாறு தொடர்ந்து  மனித இழப்புகளை அணுவிஞ்ஞானம் செய்துவருமானால் எதிர்காலத்தில் மக்களின் எழுற்சியினால் அறிவியலில் இருந்து அணுவிஞ்ஞானம் தூக்கியெறியப் பட்டு விடும்  என்பதோடு அணு விஞ்ஞானிகள் அனைவரும் மனிதகுல சத்ருக்களாக  வரலாற்றில் அறியப்படுவர் என்பதே திண்ணம் .



இன்று 8 வது நாளாக கூடங்குளத்தை அடுத்துள்ள இடிந்தகரையில்

127 நமது உறவுகள் நமது எதிர்கால நலனை முன்னிட்டு 

உண்ணாவிரதப் போராட்டத்தினை  மேற்கொண்டு வருகின்றார்கள்.

இப்போதுள்ள மின்பற்றாக்குறையான நேரத்தில்,அணுஉலை அவசியம் தானே ,அதனால் இந்த நேரத்தில் இப்படிப்பட்ட போராட்டம் தேவை தானா
என கேட்கும் சுய நலமிகளின் சுயநலம் மிக்க கேள்வி மிகவும் முட்டாள் தனமான  ஒன்றாகும்.அணு உலையியால் வெறும் 4% மின் தேவைகள் தான் பூர்த்தி செய்யப்படுகிறது இந்தியாவில் . ஜப்பானில் அணு உலைகள் 34% மின்தேவையை பூர்த்துசெய்துவந்தது என்பதனையும்,தற்பொழுது அணுஉலைகள் பல முடப்பட்டுவிட்டது என்பதனையும், அதனால் ஜப்பான் இன்று இருளில் மூழ்கிப் போய்விடவும் இல்லை என்பதனையும் முதலில் அறியவும். ஜெர்மனியில் 7 உலைகள் மூடப்பட்டு விட்டன.

இப்போது இவ்வளவு பெரிய போராட்டத்திற்கான காரணத்தை காண,

நமது அரசுக்கே, ஜப்பான் விபத்துக்குப்பின் தான் கடலோர அணு உலைகளால் பெரிய ஆபத்துகள் 100 % சாத்தியம் என்பதே தெரியவந்துள்ளது என்பதுவே உண்மை.அதுபோலத்தான் கூடங்குலத்திலுள்ள பெரும்பான்மையான மக்களுக்கும் அணு உலைபற்றிய விழிப்புணர்வு இப்போது தான் வந்துள்ளது.அதனால் தான்  இப்பொழுது போராடுகின்றனர் அவ்வளவே.

மேலும்,இது சம்பந்தமான பல அமைப்புகள் இதற்கு முன் போராடிக்கொண்டும் வந்துள்ளன .

மேலும்,இது முழுக்க முழுக்கஅணு உலைக்கு எதிரான மக்கள் போராட்டம் மட்டுமே ஆகும்.இதில் அரசியல் எதுவும் இல்லை.

அதோடு அவர்கள் தமிழக எதிர்கால நலனை முன்னிட்டே போராடுகின்றனர் .

அறவழியில் இத்தனை மக்கள் போராடுவது மிகவும் மதிக்கக்கூடிய ஒன்றாகும் .

அவர்களின் போராட்டம் மிகவும் நியாயமானதும் ஆகும்.
மேலும் கட்டாயம் இது வெற்றிபெற்றே ஆகவேண்டும்  .
இது அணு உலைக்கு எதிராக போராட்டங்களில் உலகிற்கு முன்னுதாரணமான போராட்டமும் ஆகும்.

அவர்களின் போராட்டத்திற்கு வலுச்சேர்ப்போம்.

வெற்றிபெற ஒன்றிணைவோம்.

நாட்டின் பாதுகாப்பு, கண்ணியம் மற்றும் எதிர்காலத்தைக் கருத்தில் கொண்டு

நண்டு @நொரண்டு

Download As PDF

Tweet