நீ மட்டும் ஏன் தமிழா இப்படி இறக்கின்றாய் ?

அந்த நீண்ட நெடுந் தெருவில்
துரத்திக் கொண்டு வந்த கும்பலின்
கோரப்பிடியினின்று  தப்ப
என்னை நோக்கி
ஓடி வந்தவளை
நினைத்துப் பார்க்கின்றேன்


உடைகளை கிழித்தன
வெறி கொண்ட நூறு கைகள் .
நிர்வாணமாகிக் கொண்டிருந்த அவள்
''ஐயோ... அம்மா... '' என்ற குரலுடன்
நிமிடத்தில் தீர்க்கப்பட்டாள் .

சகதியில் சொட்டும்
அவளின் இரத்தத்தில்
ஈக்கள் மொய்க்கும்
இன்னும் சில நிமிடங்களில்.

இதோ
காந்தி பாலத்தின் மேல் நான்
தமிழனைத் தேடி ஓடும்
கும்பலைப் பார்த்தபடி .

என்றென்றும்
என்றென்றும்
நீ மட்டும்
ஏன் தமிழா இப்படி இறக்கின்றாய் ?

...

என்றென்றும்
என்றென்றும்
நீ மட்டும்
ஏன் தமிழா இப்படி இறக்கின்றாய் ?

...

நான் மட்டும் எப்படி தப்பித்தேன் ?

முண்டங்களுக்கு 
என்றும்
வாழ்வுமில்லை
சாவுமில்லையே .





. Download As PDF

Tweet